OLENTZERO ETA MARIDOMINGI 

Gaur 2020ko azken eskola eguna da. Olentzero eta Maridomingi etorri dira gu ezagutzera. Haurrek beraien nahiak luzatu dizkiete, eta Olentzerok opari batzuk ekarri dizkigu eskolara.

ESKERRIK ASKOOO!!!!

 IZENADUBARA IRTEERA

Abenduak 2an HH ko 4 eta 5 urtekoak eta LH ko 1 eta 2 mailakoak Izenadubara joan ginen  Olentzero eta Maridomingi ezagutzera. Eguraldiak ez zigun asko lagundu baina primeran pasa genuen.

Hemen daukazue eguna laburtzen duen bideo txiki bat.

 

GABON ZORIONTSUAK! 

Azken hamarkadetan emakume eta gizonen berdintasuna sustatzeko ekintza ugari egon dira, baina oraindik lan asko dago egiteko.

Eskolak jendartea, gizartea, hobetzeko duen ahalmenean sinesten dugu, pertsona guzti guztiak eskolatik pasatzen baikara.

Hortaz, berdinen arteko eskola eredu bat bermatzeko, berdintasuna egunerokotasunean lantzeak  premiazko garrantzia duela uste dugu.

Hori dela eta, ikasturte honetan HEZKIDETZA proiektuari hasiera eman diogu.

Hezkidetza proiektu honetan eredu berriak nola tratatu, familian (hezkuntza komunitatearen parte bat izanik) bertan ere lantzea beharrezkoa dela uste dugu.

Guzti hau lortzeko eskola eta familiaren artean lanean arituko gara.

Gabonak gainean ditugula, hezkidetza jorratzea gure ardatz nagusietako bat izanik, joko eta jostailu egokiak aukeratzeak duen garrantziaz hausnarketa eragin nahi dugu.

Zergatik da hain garrantzitsua jostailuen aukeraketa? 

Haurtzaroan jolasa da ezagutzarako, ikasketarako eta adierazpenerako bide nagusia. Jolasekin, hurbileneko esperientziak islatzen dituzte eta, izango duten nortasuna eratzen duten egoera desberdinen aurreko portaera, jarrera eta gaitasunak ikasten dituzte. Horien bitartez jostailuek indartzen dituzten gaitasun eta baloreak bereganatzen dituzte. 

Jolasa ikasteko egoera naturala da eta jostailuak jolasa aberasteko baliabideak dira. Jostailuek izugarrizko garrantzia dute haurren hezkuntza prozesuan. Ez dira soilik ondo pasatzeko eta entretenitzeko. 

Jolasaren bidez bizi diren jendartearen arauak eta portaerak ikasten dituzte. Jostailuak berez, ez dira onak edo txarrak, hauen egokitasuna ematen diogun erabileraren araberakoa izango da. Jolas eta jostailu desberdinak erabiltzen berezko generoari dagozkion ezaugarriak ezagutuko dituzte neskek zein mutilek. Ondorioz, generoaren araberako erabilerak, estereotipo sexistak barneratu, birproduzitu eta iraunaraztearen funtzioa bultzatuko dute. 

Hau dela eta, ezinbestekoa da eskaintzen, onartzen edo indartzen ari garen ereduen analisi kritikoa egitea.

 

Jostailu bat aukeratzerakoan honako hau galdetu behar diogu gure buruari:

-       Bere adinerako aproposa da? zein gaitasun landuko ditu jolasaren bitartez?

-       Zergatik eskatu du jostailu hori? modagatik, iragarkiagatik …

-       Norekin jolas daiteke jostailu honekin? neska zein mutilekin? aniztasuna errespetatzen du?

-       Erabilera anitzeko jostailua da? era kooperatiboan jolasteko aukera ematen dio?

-       Zein rol garatzen dira jostailu horren bitartez?

-       Zein motatako harreman ereduak bultzatzen ditu?

 

Jolas eta jostailuak aukeratzeko irizpideak eta gomendioak:

-       Neskek zein mutilek jolastu ahal izatea.

-       Estereotipo sexisten transmisioa saihestea.

-       Gainontzeko haurrekin jolasteko aukera ematea.

-       Haurren arteko komunikazioa ahalbidetzea.

-       Gehiegizko indarkeria eta lehia ekiditea.

-       Harreman kooperatiboak indartzea.

-       Baztertzailea ez izatea: edozein haurrek jolasteko modukoa izatea gaitasunak edozelakoak izanda ere.

-       Dibertigarria eta motibagarria izatea.

-       Irudimena eta sormena garatzen laguntzea.

-       Jakin-mina piztea, jostailuari beste aukera batzuk bilatzeko.

-       Hausnartzeko gaitasuna bultzatzea eta gatazkak konpontzeko gaitasuna lantzea.

-       Kultur aniztasuna, harreman eta bizitzeko modu desberdinak kontutan hartzea.

 

Eta ipuin edo liburuak? 

Egokiak diren hezkidetza jolasak deskribatu ondoren, beharrezkoa da  ipuin eta kontakizunak aipatzea. Izan ere, haurren eta gazteen irakurketa heziketarako tresna indartsuak dira. 

Aztertzen baditugu, genero estereotipoak transmititzen jarraitzen dituztela konturatuko gara.

Pertsonaia maskulinoak ausartak, ebazpen-izaeradunak, abenturazaleak eta autonomo bezala deskribatzen dira. Pertsonaia femeninoak ordea, pasibo eta ziurtasun eta autonomia gabeko pertsonak bezala azaltzen dira. Bestalde, gizonei sentiberatasuna ukatzen zaie eta emakumea aldiz sentimentalkeriarekin lotzen dute.

Zorionez, balore egokiak lantzen dituzten ipuin asko daude euskaraz argitaratuta. Beraz, txikitatik hezi ditzakegu gure haurrak parekidetasunean edo euskaraz. 

Hori dela eta, ipuinek transmititzen dituzten baloreetan arreta jarri behar dugu eta haurrak berdintasunean aurkezten dituzten liburuak hobetsi behar ditugu.

Horregatik, gida honen bidez ekarpena egin nahi dugu irudizko mundu baten bitartez berdintasunezko gizarte bat sortzeko, indibiduala nahiz kolektiboa, berdintasunean, autonomian, dibertsitatean, errespetuan eta askatasunean oinarritua. Mundu bat zeinetan haurrek, sexua edozein izanik ere, aukeratu ahal izango baitituzte beren desioak, ametsak eta ilusioak, betiere aukera berdintasunean.

Gida-morea

 

 EUSKARAREN EGUNA

Egun berezi hori dela medio, ikasle baten amak bideo polit bat sortzeko iniziatiba izan du. Bideoan Gabriel Zelaiaren olerki bat errezitatzen ikusi dezakegu. Bideoaren sorkuntzan 5. mailako Alize eta Maialenek lagundu diote.

IKUSI ZEIN POLITA!!!

Azaroaren 20tik gaur bitartean Euskaraldiaren 2. edizioa ospatu da. Gure eskolan oso gertutik jarraitu dugu. Arigune izan gara eta normalean baino euskara gehiago entzun dugu eskola inguruan. Zorionak bada euskaraz hitz egin duzuen eta besteoi euskaraz hitz egitea erraztu duzuen guztioi. 

GUZTION ARTEAN LORTUKO DUGU!!!

 EUSKARA EGUNA

GAUR ABENDUAK 3 DA!!! Urtero bezala "Euskara Eguna" ospatzen ari gara. 

The Uski´s taldearen Berba zaharrak kantarekin dantza eder bat prestatu dugu. Ikusi zein polita!!   

Horretaz gain  arratsaldean gela bakoitzak euskarazko film bat ikusiko du. EDERRA PLANA! 

 TRATU TXARRIK EZ!!

Hau izan da L.H. 1 eko ikasleek landu dugun gaia.

 

Azaroak 25

 Emakumeen Kontrako Indarkeriaren Aurkako 

Nazioarteko Eguna 

Gaur emakumeen kontrako indarkeriaren aurkako eguna ospatu dugu. Azken astean gela bakoitzak era ezberdin batean landu du gaia. Gizartean adin eta kontestu ezberdinetan azaleratzen baita gai hau. Lanketari amaiera dibertigarri eta ikusgarria emateko asmoz, ikasle guztien esku morez osatutako borobil erraldoi bat sortu dugu. POLITA EZTA??!!  

Horretaz gain, ikasleek diseinatu eta egindako kamisetak jantzi dituzte!!!

 

UDAZKENEKO IRTEERA

Haur Hezkuntzako 4 eta 5 urtekoak udazkeneko elementuak eta beraien aldaketak ikusteko basora ibilalditxo bat egin dugu. Hosto hori, gorri, laranja eta marroiak ikusi ditugu, perretxikoak, sorgin eta luma belarrak… ikusi ditugu.

   INGURUA GARBITZEN

EA30 ekimena dela eta Urriak 30ean eskola osoak gure ingurua plastikoz garbitu genuen. Talde ezberdinetan banatu ginen. Eskolako ingurutik hasi eta frontoia, tenis pista, elizako aterpea, banbu etxea eta San Bartolome auzoraino iritsi ginen. Plastiko mordo bat jaso genuen. Eguraldia ere gure alde izan zen.

IKUSI ZER NOLAKO EGUN ZORAGARRIA!!!!!

      

 SAN PEDRO DE ATXARRERA IRTEERA

 

Urriak  16an  , Uzelaiko 5. Eta 6. mailako ikasleok San Pedro de Atxarrera joan ginen bertako paisaia eta landareria aztertzera. Txatxarramenditik  ferry-a hartu genuen Laidera pasatzeko asmoz. Laidetik bidaiari ekin genion Kanalako kanping-netik gorantz. Nahiz eta egun lainotsua izan Egun zoragarria pasa genuen denok elkarrekin bai bidetik zuhaitzak aztertzen, bai goiko partetik paisaia disfrutatzen.

Mendi tontorrean bokatak jan eta Akordatik jaitsi ginen Laidarantz; eskolara bueltatu beharra zegoen.

 

ORTUA

Azaroak 4an L.H. 4 ko ikasleak eskolatik urbil dugun negutegira joan ginen. Bertan lanean ibili  ginen. Hiru taldetan antolatuta. Batzuk piperrak, alberjinak eta azenoriak  batzen ibili  ziren.  Beste batzuk  berbena limoi-usainari ostoak kentzen eta  hirugarren taldea  ortuariak ureztatzen.

Baita , etxera eraman genituen: piperrak, azenarioak, errabanitoak, erremolatxak, alberjinak…….

Ze ondo pasa genuen!!

 BIZIKIDETZA EGUNA

Bizikidetza egunean ikastetxeko ikasle talde guztien aurkezpena egiten da eta ikasturtean zehar aurrera eramango diren proiektu guztiak uztartuz ezagutzera ematen dira. Aurten urriaren 23an ospatu da eta beste ikasturteetan denok batzen izan bagara (udal aretoan) ere aurten COVID dela eta guztion aurkezpenekin bideoa eratu da. Talde bakoitzak bere ikasgelan ikusi du.

Eskolaren aurkezpen batean datza. Ikasleen arteko harreman osasuntsuak eta hurbiltasuna bultzatzen dira eta talde zentzua indartzea da helburua . Taldeko argazkiak eskolako arbolan kokatzen dira eta talde bakoitza denon aurrean aurkezten da prestatu duten zerbait eginez (aurten grabatu egin da). Ikasturtean zehar martxan jarriko diren kanpaina eta proiektu nagusien berri ematen da. Aurten, sendabelarren inguruan arituko gara . Gela bakoitzak sendabelar baten izena hartuko du eta haren propietateak azalduz pasabideko muralean kokatuko ditu. Sendabelarren sendatze propietateak ematen dizkien  baloreak indartuz ikasturtearen zehar honen lanketarako planifikazioa egingo da HN batzordearen bitartez.

Honez gain, aipamen berezia nahi diegu eman ikasle ordezkari, bitartekari eta euskaltzainei. Gela bakoitzetik bat, izendatuak izan dira eta kontsultorearen eta irakasleon laguntzarekin zeregina izango dute. Aurten euren gain jausiko dira aipatutako figura guztien ardura eta (COVID dela eta)... ahaleginduko gara zama arintzen, baina meritua dute. 

AZKEN EGUNA ESKOLAN...6.MAILAKOENTZAT

FALTAN BOTAKO ZAITUZTEGU!!

2.MAILAKOAK

6.MAILAKOEI AGURRA

GURE TXIKITXOAK ERE BIRZIKLATZEN

Gure txikitxoak joan dira bere gelako ondakinak botatzera. Baina ez dituzte bota edonora, gauza bakoitza bere lekura bota dute. Birziklaketa bada ere gure txikien ardura...

TALOA

Gure eskolan sukaldari hitzelak ditugu! 2 eta 3 urteko neska-mutilek taloa egin dute... baina bakarrik egin? ez, ez, baita jan ere.
Hona hemen  esaten duguna egia denaren froga:

Oso gozoa egon da taloa txorizoarekin, eta hoberena, guk ere parte hartu dugula egiten!

IHAUTERIAK 2020

Ze ondo pasatu genuen. Ikusi!! 



Bideo montaia hau eskolako guraso bati esker daukagu, beraz MILA ESKER!!

EMAKUME LANGILEAK

Gaur, martxoak 6, EMAKUME LANGILEen eguna ospatu dugu, eta horretarako emakume batzuen bizitzak ezagutu ditugu eskolan, besteak beste:

•  CARMEN ALDARRAGA
•   INOCENCIA ARANGOA
•   MARIA LUISA OZAITA
•   ANA MARIA ZUBIAGA
•   CECILIA DE GUILARTE
•   MARIA ANTONIA UZKUDUN

IPUINAK IRAKURRI

Gustatzen zaizu ipuinak irakurtzea?

Eskolan asko gustatzen zaigu, eta horregatik urtero egun batean nagusiek ipuin bat irakurtzen diegu txikiei...

    ...eta denok asko gozatzen dugu!

Zaborra batzen

Gaur eskolako ingurua garbitzera atera gara. Horretarako, taldeka joan gara toki askotara (patiora, frontoira, tenis-pistetara...) eta topatu dugun zabor osoa batu dugu sakuetan. 

GURE PLANETA ZAINDU BEHAR DUGU

BESTE BAT EZ DAUKAGULAKO!

IRRATI SAIOA

Aurten, beti bezala, hilean behin irrati-saioa prestatzen dugu eskolan, Busturian zehin munduan zer gertatu den kontatzeko. 
Gaur, otsailak 28, 5.mailakoek prestatu dute irrati-saioa; 6.mailakoek urtarrilean egin zuten, eta laster beste gelakoek egingo dute.

OSO INTERESGARRIA ETA DIBERTIGARRIA

 IZAN DA!!

INAUTERIAK

Bariku batean, Otsailaren 21ean, pertsonai mitologiko guztiak 

Busturiko eskolara joan ziren 

eta hango umeekin egun osoa ematea erabaki zuten, Inauteriak ospatzen.

Umeek ikusi zuten pertsonai horiek, nahiz eta oso desberdinak izan,  

denek bere alde ona ere zutela:

Galtxagorriak oso langileak ziren

Tartalo arduratsua zen

Maritxu Teilatako esker onekoa zen

Zezengorri zaindaria zen

Lamiak  laguntzaile onak ziren

 Akerbeltz babeslea zen

Mari eta Sugar behatzaileak ziren

Elkarrekin jolastu, dantzatu, abestu, eta arratsaldez txokolatea jan… egin zuten.
Primeran pasatu zuten, 

eta gainera, ikasi zuten guztiok gure alde ona topatu eta erakutsi behar dugula.

Eta hala bazan eta ez bazan, sar dadila kalabazan 
eta atera dadila Busturiko Inauterietan!

Eta eskola amaitu ondoren,

Inauteriak herrian jarraituko dira:

ONDO PASA BUSTURIA!!

AUKERA BERRIEN ALDE!!

Adimen urritasunarentzat, AUKERA BERRIEN ALDE!!

Martxoak 21ean denok ekoetxe Urdaibaira, adimen urritasunarentzat AUKERA BERRIEN ALDE!!
Egun honetan, dorre Madariagan hainbat ekintza izango dira animatu eta joan zaitezte.

SUHILTZAILEEI BISITA

Pasa den ostiralean, otsailak 7, 

1. eta 2. mailako umeak 

Gernikako suhiltzaileak bisitatzera joan ginen. 

Erakutsi ziguten nolakoa den beren lana, 

euren uniformeak jantzi genituen, 

kamioietan montatu ginen, 

sirena jo genuen, 

eta sua mahukekin amatatzen ikasi genuen.

Suhiltzaileak oso jatorrak ziren, 

eta oso ondo pasatu genuen.

STA AGEDA BEZPERA KANTUAN

Sta Ageda bezpera egunean, otsailak 4an, ohitura jarraituz auzotik kantuan atera gara eta amaiera emateko Herriko Atxurkulu elkartearekin bateginez abestu dugu. Oso ondo pasatu dugu, Atxurkulu elkartekoak txistu musika eta guzti etorri dira eta animazio itzela jarri dute. Eskerrik asko !! Hurrengo ikasturtean ere espero zaittuegu.